老闆打工

老闆對員工的尊重，應以甚麼來衡量？
打工仔，做好份工又應有甚麼回報呢？

呢題IQ題好正：

『如果你現在人工10K，每年都加薪HK$100，十年後你的人工會是多少？ 』

問這問題的正身處這間公司，面對這個狀況... ...其實這問題是用來測試同事間的EQ！如果沒有即時講粗口，那位就是EQ高！

打公一日喪命散 ：

昨晚總算可以和朋友吃飯，再吃個糖水，傾偈休息下。回家已經十一點半，沖完涼零秒上床訓。今朝如常搭巴士返工，無位坐，站了三十分鐘，閉目養神。不過途中竟看見有個女子在修眉！不是化妝，抺烟脂，是修眉！厲害，果然十八般武藝。在公司附近的檔你買份餐蛋治檸茶小甜行街，但唔知點解，哥仔整得好慢... ...弊！望望錶已經8:56！九秒九急步跑上公司，好彩，未到9:10，不用扣糧。

返到公司，邊食早餐邊check email，慣哂；怎料早餐未吃完，manager話要開會，9:30咋！咁早！漫長會議... ... 開完會，差不多時間lunch time喇！開會開到一半，已經知道今日又要叫外賣，唔夠時間出去食飯。上一份project個客唔滿意，又要改；唉，手頭上的工作又要hold住。趕快叫了個午餐Ａ，邊睇新聞邊食～　新聞做完，嗱嗱聲返位做野，如果唔係又要通頂！今晚happy friday nite呀！

返到位勁做勁做，洗手間都唔敢去，都OK，5:45，要改的都改好，等manager approve。正想攞份文件比佢，點知佢捧住兩個files走過黎，「個project好趕架，唔該你下星期一搞掂佢。唔該你啦，能者多勞嘛... ...」頂！今個星期又無假放... ... 好想放假！

vs

老闆含笑半步癲：

預備左一大疊利是，出去巡個圈，與同事們打個招呼，好讓他們新年開工開開心心。唉，年青人真的不曉禮節，收完利是，講句「多謝。」就算，講多句身體健康都好啦。

「邊個邊個去左邊，9:30仲未見人？陣間有客上黎。」「我都唔清楚，打過電話比佢喇，手提同屋企都無人聽，email又無覆，唔知咩事。」Reception電話響起，「我想請假，感冒」「你聽日補返醫生紙啦」又一個，放長假返黎起碼幾個同事唔見人。今日有個客上黎，唯有交帶工作比另一位同事先，每個steps解釋清楚，每個items add-on係點計數，份表都列得好清楚。同事邊看著，邊點頭，應該沒問題吧！「你明唔明？」「明。」「可唔可以預習一次先？」「... ... 你可唔可以講多次？我驚講錯。」HR點請人... ... 激死！