致敬電影

我估，人到中年，會越來越多「細細個睇過」「以前興」「舊時好多呢啲」的懷舊出現。

近來看了兩部向八十年代港產片致敬的電影，分別是麥凌龍的《彊屍》和陳木勝的《掃毒》。
《彊屍》的的確確令我想起彊屍先生，糯米、黃色道士袍、木劍、黑色清朝服…… 細個見到都驚驚地！記得中學去看慈禧展覽，一件件又大又長的清朝官服，看著就感到一陣寒氣吹過。如果，電影宣傳一開始賣關子，不告訴我們誰是導演，可能更好。他的有錢形象太深入民心，他做的事，總給人一種「有錢好辦事」「有錢搞掂」「有錢實做到啦」的感覺；容易忽略他背後付出的努力。

《掃毒》兄弟情，子彈橫飛，與兄弟一起並肩作戰，好不英雄。可惜動作場片與心理描寫真的很難兩全其美。細細個睇警匪片，都會心唸，有無咁誇呀。長大了，睇戲唔好駁古。用心欣賞好了。特別討厭在戲院邊看戲邊評論的觀眾，可不可以等完場出字幕才發表偉論？