老遠的西餐廳

去SOHO食飯，一個人無兩三百都落唔到樓，又未必間間好食。想吃「西餐」，離開中環區比較易揾到平靚正的。早排試過兩間餐廳，每人百零蚊找數，幾好！不過最好有楂車囉~

Anthony's Catch
西貢普通道（滿記往馬鞍山方向行幾分鐘）

餐前有燒蒜頭配麪包，好香！小心口臭。Wine list好多選擇，那次點了rose wine，my favourite！主菜menu貴精不貴多，那次點了青口、龍蝦意粉、牛扒，有水準！必叫：白汁青口 (好似係忌廉白酒)，肥美鮮甜，係香港用百幾蚊價錢未食過咁鮮的青口！成日想再食。


Kcal
深井村88號地下（最多餐廳0個條街，發記附近）

去小欖探妹妹，順道去她強烈推介的法國餐廳，真係ok喎！六個人，分別點了牛扒、燒乳豬、羊鞍配菠菜麪、帶子雜菌墨魚汁麪、龍蝦天便麪；餐湯普通，主菜全部都好大碟。主菜好多款選擇，要睇哂個餐牌要花時間，但要肉的有肉，要清淡的有清淡，實有一款啱心水。

餐廳人多較嘈，卡位以外其他位置都比較迫。有小小似高級茶餐廳，當然，價錢與質素好多時都成正比。