現實的錢

近來個市癲癲地！貨幣戰、金、新股…… 不同的有名投資人都叫人買股票，錢放係銀行無息只會貶值。

唔好話樓貴，連買餸都貴，一斤菜都要十幾蚊，啲錢好唔見使。銀行又無息，難怪有錢人會買樓買股，反正供樓都唔使一厘息。早兩日去銀行，等緊簽文件時，已經有3個人兌人民幣，其中兩個仲預設左每日兌兩萬人民幣，夠數就做埋定期。而家好多銀行都用人民幣定期吸引人攞新資金存入，1厘、1.5厘都有，收的利息仲高過按揭利息，仲可以等人民幣升值，無樂而不為？

看任總的訪問，他說現在是「百年一遇」的混亂。小市民點算好呢？跟下風兌人民幣，起碼唔使輸。回看任總八月的訪問：「坐言起行 每天兌2萬人民幣」「港股未跌夠 未撈底」。

自己仍月供HSBC，接近三年，都唔錯，慢慢黎，相信是最簡單直接的長遠投資。在想，會否再供隻企，唔怕突然關門大吉。出糧時即刻比錢自己使，幾好！唔使怕老左無收入生活唔知點過。唔好講複息效應，只講有無儲蓄，心情都唔同啲。有咩事，都有個錢可以花。每月拿十分一收入來儲應該不是難事，重要的是「坐言起行」，唔好拖；先儲未來錢，而唔係先使未來錢，分別好大。

有些股票，從不沾手，如領匯、田生，雖說奸商，也要「取之有道」，有些公司實在太離譜。假以時日，同是十分一，不是留給自己，而是給別人，應該更有福。