又邊爐

無論一大班朋友，抑或係三五個人，圍住個爐烚烚下，好正！

利得火鍋
九龍城南角道

F看完新假期有關牛的專題介紹，一觸即发，一定要食牛，於是即刻約人食牛边爐。先是湯底，蕃茄豬骨，足料。老闆推介牛，牛拼盤一定要叫：牛脷托，牛骨髓，牛心，牛脷，牛根，牛潤，牛爽肉，牛相連... ... （唔知有無漏）一塊牛爽肉，加一塊肥牛，配上蔥花，好香口，牛味好濃，又不油膩。另外最鍾意墨魚滑，撈埋蟹子，又彈牙，又有咬口，正！五個人食到好飽，每人$150
（無叫啤酒），幾經濟！同埋服務幾好，有禮貌。 火鍋黎講，地方算乾淨企理，抽風好好。

百利火鍋
旺角基隆街

收工後，同阿爸阿媽食，同埋兩個客，在公司附近打邊爐（老豆好鍾意打邊爐，佢都食得好刁架！對火鍋要求好高。）之前老豆黎過，覺得ok。牛肉真係好好食，好過利得，未至於入口即溶，但一定無渣，唔鞋。（不過不能叫特價牛，睇個樣相差好遠！）六個人，食左兩碟美國牛，一碟手切牛。其他食物ok，不太特別。那天專吃牛，及象拔蚌；沒有叫其他海鮮。價錢不算抵，每人約$200。